ទាន់ហេតុការណ៍
ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ បន្តពិគ្រោះ ផ្ដល់យោបល់ និងប្រមូលធាតុចូលពីគ្រប់ភាគីពាក់ព័ន្ធ លើសេចក្តីព្រាងច្បាប់ភូមិបាល(ថ្មី) ដើម្បីឱ្យសេចក្តីព្រាងច្បាប់នេះមានលក្ខណៈគ្រប់ជ្រុងជ្រោយ ងាយស្រួលអនុវត្ត ជាពិសេស​ឆ្លើយតបបានចំពោះតម្រូវការសេដ្ឋកិច្ចសង្គមកម្ពុជា។ »»» បងប្អូនក្រុមវាលទី២១ (ភូមិបាលខណ្ឌដង្កោ)​ ចុះវាស់វែងដីធ្លី ជូនបងប្អូនប្រជាពលរដ្ឋ​ ស្ថិតនៅភូមិក្រញូង ឃុំពោធិអង្រ្គង ស្រុកបសេដ្ឋ ខេត្តកំពង់ស្ពឺ។ »»» វិញ្ញាបនបត្រសម្គាល់ម្ចាស់អចលនវត្ថុចំនួន ៣ ០១០ ក្បាលដី ត្រូវបានប្រគលជូនប្រជាពលរដ្ឋចំនួន ៣ភូមិស្ថិតនៅភូមិត្រគួន ភូមិនរាយណ៍ និងភូមិព្រៃតាភេម ក្នុងឃុំពោធិអង្គ្រង ស្រុកបសេដ្ឋ ខេត្តកំពង់ស្ពឺ »»» សាយ សំអាល់​ ៖ អាងប្រព្រឹត្តកម្មទឹកកខ្វក់នេះ ជាបំណែកមួយនៃហេដ្ឋារចនាសម្ព័ន្ធរួមដែលយើងចាំបាច់ត្រូវធ្វើដើម្បីទ្រទ្រង់កំណើនសេដ្ឋកិច្ច និងបង្កើតការងារជូនបងប្អូនប្រជាជននៅខេត្តព្រះសីហនុ។ »»» ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ ទទួលជួបពិភាក្សាការងារជាមួយក្រុមហ៊ុន China Siwei Surveying and Mapping Technology ដែលជាប្រតិបត្តិករផ្កាយរណបឈានមុខគេមួយក្នុងការផ្តល់សេវាប្រមូល និងប្រើប្រាស់ទិន្នន័យភូមិសាស្ត្រ »»» បងប្អូនក្រុមវាល បន្តចុះវាស់វែង និងប្រមូលទិន្នន័យក្បាលដី ចុះបញ្ជីដីធ្លីមានលក្ខណៈជាប្រព័ន្ធ ជូនប្រជាពលរដ្ឋស្ថិតនៅសង្កាត់ព្រែកតាកូវ សង្កាត់ព្រែកអំពិល សង្កាត់បារុង និងសង្កាត់បាក់ដាវ ក្រុងអរិយក្សត្រ ខេត្តកណ្ដាល។ »»» ក្រោយជួបពិភាក្សាជាមួយក្រសួងរៀបចំដែនដី នគរូបនីយកម្ម និងសំណង់ រួចមកក្រុមហ៊ុនបុរីពិភពថ្មី បានសម្រេចចេញនូវគោលការណ៍សម្រួលដល់អតិថិជនដែលកំពុងបង់រំលស់មានការយឺតយ៉ាវ »»» សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងជាប្រធានកិត្តិយសសហភាពសហព័ន្ធយុវជនកម្ពុជា បានអញ្ជើញជាអធិបតីក្នុងពិធីបិទកិច្ចប្រជុំគណៈកម្មាធិការកណ្តាល សហភាពសហព័ន្ធយុវជនកម្ពុជា នៅសាលសន្និសីទសណ្ឋាគារ សុខាភ្នំពេញ នាព្រឹកថ្ងៃទី ១៤ ខែមីនា ឆ្នាំ ២០២៤។ »»» វាជាការឈឺចាប់យ៉ាងខ្លាំងបន្ទាប់ពីទិញដីហើយកក់ប្រាក់អស់$5000បែជាម្ចាស់ដីប្តឹងទៅក្រសួងមហាផ្ទៃចោទពីបទក្លែងឯកសារ »»» បងប្អូនក្រុមវាលទី១នៃមន្ទីររៀបចំដែនដី​ នគរូបនីយកម្ម​ សំណង់​ និងសុរិយោដីខេត្តពោធិ៍សាត់​ ចុះវាស់វែង​ ប្រមូលទិន្នន័យក្បាលដី​ និងវិនិច្ឆ័យដីធ្លី​មានលក្ខណៈជាប្រព័ន្ធជូនបងប្អូនប្រជាពលរដ្ឋ​ នៅភូមិថ្គោលធំ ឃុំអន្សាចំបក់ ស្រុកក្រគរ​ ខេត្តពោធិ៍សាត់​។
0

ប្រទេសចិនផ្តល់ថវិកាចំនួន ២,៥លានដុល្លារ ជូនរាជរដ្ឋាភិបាលកម្ពុជាសម្រាប់ការងារបោសសម្អាតមីន និងយុទ្ធភណ្ឌមិនទាន់ផ្ទុះនៅកម្ពុជា

(ភ្នំពេញ)៖ នាឱកាសដំណើរទស្សនកិច្ចផ្លូវការនៅកម្ពុជារបស់លោក វ៉ាង យី ទីប្រឹក្សារដ្ឋ និងជារដ្ឋមន្ត្រីការបរទេស នៃសាធារណរដ្ឋប្រជាមានិតចិន នៅថ្ងៃទី១២ ខែកញ្ញា ឆ្នាំ២០២១, ទេសរដ្ឋមន្ត្រី លី ធុជ អនុប្រធានទី១ អាជ្ញាធរមីន ក៏បានអញ្ជើញចុះហត្ថលេខាជាមួយលោក Wu Jianghao ឧបការីរដ្ឋមន្រ្តីក្រសួងការបរទេស នៃសាធារណរដ្ឋប្រជាមានិតចិន លើវិញ្ញាបនបត្រប្រគល់-ទទួលសម្ភារជំនួយរបស់សាធារណរដ្ឋប្រជាមានិតចិនជូនដល់អាជ្ញាធរមីនផងដែរ ក្រោមអធិបតីភាពដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា និងលោក វ៉ាង យី។

នាឱកាសចុះហត្ថលេខានេះ សាធារណរដ្ឋប្រជាមានិតចិន ក៏បានចុះហត្ថលេខាលើលិខិតប្រគល់-ទទួលថវិកាចំនួន ២,៥លានដុល្លារសហរដ្ឋអាមេរិក ជូនរាជរដ្ឋាភិបាលកម្ពុជាសម្រាប់ការងារបោសសម្អាតមីន និងយុទ្ធភណ្ឌមិនទាន់ផ្ទុះ នៅកម្ពុជា។
ជំនួយនេះជាការឆ្លើយតបរបស់នាយកដ្ឋានគ្រប់គ្រងអាវុធ នៃក្រសួងការបរទេស នៃសាធារណរដ្ឋប្រជាមានិតចិន ទៅលើសំណើសុំរបស់អាជ្ញាធរមីនដែលជាផ្នែកមួយនៃកិច្ចខិតខំប្រឹងប្រែងកៀរគរធនធាន សម្រាប់អនុវត្តផែនការ យុទ្ធសាស្ត្រជាតិសកម្មភាពមីន២០១៨-២០២៥។

សម្ភារដែលបានទទួលនាពេលនេះរួមមាន៖
*ទី១៖ ឧបករណ៍បោសសម្អាតមីន១៣០គ្រឿង
*ទី២៖ កញ្ចប់សម្ភារបោសសម្អាតមីន១១០កញ្ចប់
*ទី៣៖ កញ្ចប់សម្ភារបំផ្ទុះមីន/សំណល់ជាតិផ្ទុះពីសង្គ្រាម៧០កញ្ចប់
*ទី៤៖ ឧបករណ៍ការពារសុវត្ថិភាព២៥គ្រឿង
*ទី៥៖ មួកការពារសុវត្ថិភាព២៥មួក
*ទី៦៖ ដ្រូន៣គ្រឿង
*ទី៧៖ រថយន្ត SUV ៥គ្រឿង
*ទី៨៖ រថយន្ត Pickup ៨គ្រឿង។

ចាប់តាំងពីឆ្នាំ២០១៥មក សាធារណរដ្ឋប្រជាមានិតចិន បានផ្តល់ជំនួយជាថវិកា និងសម្ភាររៀងរាល់ឆ្នាំដល់អាជ្ញាធរមីន និងប្រតិបត្តិករបោសសម្អាតមីនជាតិនៅកម្ពុជា ដើម្បីរួមចំណែកជាមួយរាជរដ្ឋាភិបាលកម្ពុជា ក្នុងការបោសសម្អាតមីន និងសំណល់ជាតិផ្ទុះពីសង្គ្រាម ក្នុងគោលបំណងទប់ស្កាត់ និងកាត់បន្ថយគ្រោះថ្នាក់ដែលកើតឡើងដោយសារយុទ្ធភណ្ឌគ្រឿងផ្ទុះទាំងនេះ និងផ្តល់ដីសុវត្ថិភាពសម្រាប់ការសាងសង់លំនៅដ្ឋាន មន្ទីរពេទ្យ សាលារៀន ផ្លូវថ្នល់ កសិកម្ម និងការអភិវឌ្ឍសេដ្ឋកិច្ច-សង្គមផ្សេងទៀត។

ទន្ទឹមគ្នានោះ សាធារណរដ្ឋប្រជាមានិតចិន ក៏បានផ្តល់អាហារូបករណ៍រៀងរាលឆ្នាំ ដល់មន្ត្រី-បុគ្គលិករបស់អាជ្ញាធរមីន និងប្រតិបត្តិករបោសសម្អាតមីនជាតិ ដើម្បីទៅទទួលការបណ្តុះបណ្តាលជំនាញបោសសម្អាតមីន នៅសាធារណរដ្ឋប្រជាមានិតចិន ហើយទើបនឹងត្រូវបានអាក់ខាននៅពេលមានការចាប់ផ្តើមរីករាលដាលនៃជំងឺកូវីដ១៩។ ការផ្តល់សម្ភារនាពេលនេះ ជាផ្នែកមួយនៃជំនួយប្រចាំឆ្នាំដែលសាធារណរដ្ឋចិន តែងតែផ្តល់ជូនវិស័យសកម្មភាពមីននៅកម្ពុជា និងជាសក្ខីភាពមួយនៃចំណងមិត្តភាពដែលកាន់តែរឹងមាំឡើងៗរវាងចិន និងកម្ពុជា។

ក្នុងនាម សម្តេចតេជោនាយករដ្ឋមន្ត្រី, ទេសរដ្ឋមន្ត្រី លី ធុជ អនុប្រធានទី១ អាជ្ញាធរមីន សូមថ្លែងអំណរគុណដ៏ជ្រាលជ្រៅដល់ប្រជាជន និងរាជរដ្ឋាភិបាលនៃសាធារណរដ្ឋប្រជាមានិតចិន សម្រាប់ការបន្តគាំទ្រដល់វិស័យ សកម្មភាពមីននៅកម្ពុជា និងសង្ឃឹមយ៉ាងមុតមាំថាជំនួយដ៏មានអត្ថន័យនេះ នឹងបង្កើនប្រសិទ្ធភាពក្នុងការបោសសម្អាតមីន និងសំណល់ជាតិផ្ទុះពីសង្គ្រាម ក្នុងភារកិច្ចមនុស្សធម៌ឆ្ពោះទៅរក កម្ពុជាមួយដែលគ្មានមីនត្រឹមឆ្នាំ២០២៥ ស្របតាមចក្ខុវិស័យដ៏វែងឆ្ងាយរបស់រាជរដ្ឋាភិបាលកម្ពុជា ដែលបានដាក់ចេញក្នុងផែនការយុទ្ធសាស្រ្តជាតិសកម្មភាពមីន ២០១៨-២០២៥៕

Filed in: ព័ត៌មានជាតិ, ព័ត៌មានថ្មីៗ

Leave a Reply

Submit Comment
ទាក់ទងផ្តល់​ព័ត៌មាន តាមទូរស័ព្ទលេខ 081 827 878 ឬ តាម Whatsapp : 081 827 878 | Telegram : 081 827 878 ! សូមអរគុណ !

©២០១៨ រក្សាសិទ្ធ​ដោយ​ Khmer Network News | ទូរស័ព្ទ៖ 081 827 878 | អ៊ីម៉ែល៖ reaksasok72@gmail.com

សហការផ្តល់ព័ត៌មាន៖ 081 827 878 | អ៊ីម៉ែល ៖ reaksasok72@gmail.com