ទាន់ហេតុការណ៍
ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ បន្តពិគ្រោះ ផ្ដល់យោបល់ និងប្រមូលធាតុចូលពីគ្រប់ភាគីពាក់ព័ន្ធ លើសេចក្តីព្រាងច្បាប់ភូមិបាល(ថ្មី) ដើម្បីឱ្យសេចក្តីព្រាងច្បាប់នេះមានលក្ខណៈគ្រប់ជ្រុងជ្រោយ ងាយស្រួលអនុវត្ត ជាពិសេស​ឆ្លើយតបបានចំពោះតម្រូវការសេដ្ឋកិច្ចសង្គមកម្ពុជា។ »»» បងប្អូនក្រុមវាលទី២១ (ភូមិបាលខណ្ឌដង្កោ)​ ចុះវាស់វែងដីធ្លី ជូនបងប្អូនប្រជាពលរដ្ឋ​ ស្ថិតនៅភូមិក្រញូង ឃុំពោធិអង្រ្គង ស្រុកបសេដ្ឋ ខេត្តកំពង់ស្ពឺ។ »»» វិញ្ញាបនបត្រសម្គាល់ម្ចាស់អចលនវត្ថុចំនួន ៣ ០១០ ក្បាលដី ត្រូវបានប្រគលជូនប្រជាពលរដ្ឋចំនួន ៣ភូមិស្ថិតនៅភូមិត្រគួន ភូមិនរាយណ៍ និងភូមិព្រៃតាភេម ក្នុងឃុំពោធិអង្គ្រង ស្រុកបសេដ្ឋ ខេត្តកំពង់ស្ពឺ »»» សាយ សំអាល់​ ៖ អាងប្រព្រឹត្តកម្មទឹកកខ្វក់នេះ ជាបំណែកមួយនៃហេដ្ឋារចនាសម្ព័ន្ធរួមដែលយើងចាំបាច់ត្រូវធ្វើដើម្បីទ្រទ្រង់កំណើនសេដ្ឋកិច្ច និងបង្កើតការងារជូនបងប្អូនប្រជាជននៅខេត្តព្រះសីហនុ។ »»» ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ ទទួលជួបពិភាក្សាការងារជាមួយក្រុមហ៊ុន China Siwei Surveying and Mapping Technology ដែលជាប្រតិបត្តិករផ្កាយរណបឈានមុខគេមួយក្នុងការផ្តល់សេវាប្រមូល និងប្រើប្រាស់ទិន្នន័យភូមិសាស្ត្រ »»» បងប្អូនក្រុមវាល បន្តចុះវាស់វែង និងប្រមូលទិន្នន័យក្បាលដី ចុះបញ្ជីដីធ្លីមានលក្ខណៈជាប្រព័ន្ធ ជូនប្រជាពលរដ្ឋស្ថិតនៅសង្កាត់ព្រែកតាកូវ សង្កាត់ព្រែកអំពិល សង្កាត់បារុង និងសង្កាត់បាក់ដាវ ក្រុងអរិយក្សត្រ ខេត្តកណ្ដាល។ »»» ក្រោយជួបពិភាក្សាជាមួយក្រសួងរៀបចំដែនដី នគរូបនីយកម្ម និងសំណង់ រួចមកក្រុមហ៊ុនបុរីពិភពថ្មី បានសម្រេចចេញនូវគោលការណ៍សម្រួលដល់អតិថិជនដែលកំពុងបង់រំលស់មានការយឺតយ៉ាវ »»» សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងជាប្រធានកិត្តិយសសហភាពសហព័ន្ធយុវជនកម្ពុជា បានអញ្ជើញជាអធិបតីក្នុងពិធីបិទកិច្ចប្រជុំគណៈកម្មាធិការកណ្តាល សហភាពសហព័ន្ធយុវជនកម្ពុជា នៅសាលសន្និសីទសណ្ឋាគារ សុខាភ្នំពេញ នាព្រឹកថ្ងៃទី ១៤ ខែមីនា ឆ្នាំ ២០២៤។ »»» វាជាការឈឺចាប់យ៉ាងខ្លាំងបន្ទាប់ពីទិញដីហើយកក់ប្រាក់អស់$5000បែជាម្ចាស់ដីប្តឹងទៅក្រសួងមហាផ្ទៃចោទពីបទក្លែងឯកសារ »»» បងប្អូនក្រុមវាលទី១នៃមន្ទីររៀបចំដែនដី​ នគរូបនីយកម្ម​ សំណង់​ និងសុរិយោដីខេត្តពោធិ៍សាត់​ ចុះវាស់វែង​ ប្រមូលទិន្នន័យក្បាលដី​ និងវិនិច្ឆ័យដីធ្លី​មានលក្ខណៈជាប្រព័ន្ធជូនបងប្អូនប្រជាពលរដ្ឋ​ នៅភូមិថ្គោលធំ ឃុំអន្សាចំបក់ ស្រុកក្រគរ​ ខេត្តពោធិ៍សាត់​។
0

ខេត្តកំពង់ចាម បិទយុទ្ធនាការចាក់វ៉ាក់សាំងកូវីដ១៩ ជូនប្រជាពលរដ្ឋចាប់ពីអាយុ១២ឆ្នាំឡើង

(កំពង់ចាម)៖ រដ្ឋបាលខេត្តកំពង់ចាម នៅថ្ងៃទី២១ ខែកញ្ញា ឆ្នាំ២០២១នេះ បានបិទយុទ្ធនាការចាក់វ៉ាក់សាំងកូវីដ១៩ ជូនប្រជាពលរដ្ឋ ចាប់ពីអាយុ១២ឆ្នាំឡើង ដែលពិធីនេះបានប្រារព្ធធ្វើឡើង នៅសាលាខេត្តកំពង់ចាម ក្រោមអធិបតី លោកស្រី ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណ: កម្មការចាក់វ៉ាក់សាំងកូវីដ១៩ ក្របខ័ណ្ឌទូទាំងប្រទេស។

អភិបាលខេត្តកំពង់ចាម លោក អ៊ុន ចាន់ដា បានឲ្យដឹងថា ជាលទ្ធផល នៃការអនុវត្តអនុវត្តតាមផែនការ យុទ្ធនាការចាក់វ៉ាក់សាំងបង្ការជំងឺកូវីដ-១៩ ជូនដល់ប្រជាពលរដ្ឋ ដែលមានអាយុចាប់ពី១២ឆ្នាំឡើងបានចំនួន ៦៨៥,៦២៤នាក់ ស្មើនឹង ៨៤.៤២% នៃផែនការ ចំនួន៨១២,១៣២នាក់ ក្នុងនោះ៖

*ទី១៖ ប្រជាជនអាយុពី១៨ឡើង ដែលត្រូវចាក់វ៉ាក់សាំង ចំនួន៧០១,៧៣៨នាក់ ក្នុងនោះ ប្រជាពលរដ្ឋចំណាកស្រុក ចំនួន ១០១,៨១៨នាក់ ស្មើនឹង១៤,៥០% អ្នកមានបញ្ហាសុខភាព ចំនួន៣៣,៤១៣នាក់ ស្មើនឹង៤,៧៦% ប្រជាពលរដ្ឋដែលត្រូវចាក់មាន ចំនួន៥៧១,៩៧០នាក់។ ប្រជាជនបានចាក់ដូស ទី១ហើយចំនួន ៥៧៨,៥៨៧នាក់ ស្មើនឹង១០១.១៥% ធៀបនឹងប្រជាពលរដ្ឋ ដែលត្រូវចាក់ចំនួន ៥៧១,៩៧០នាក់។

*ទី២៖ កុមារ និងយុវវ័យពី ១២ដល់ក្រោម១៨ឆ្នាំ ដែលត្រូវចាក់វ៉ាក់សាំង ចំនួន១១០,៣៩៤នាក់ បានចាក់ដូសទី១ហើយ ចំនួន ១០៧,០៣៧នាក់ ស្មើនឹង៩៦.៩៦%។ មិនទាន់បានចាក់ដូសទី១ ចំនួន៣,៣៥៧នាក់ ស្មើនឹង ៣.០៤% ផ្អែកតាមទិន្នន័យនេះ ខេត្តកំពង់ចាម ចាក់បាននឹងនៅបន្តចាក់សម្រាប់ប្រជាពលរដ្ឋចំណូលស្រុក និងអ្នកមានសុខភាពប្រសើរឡើងវិញ។

ដោយពិនិត្យលើស្ថានភាពនេះ រដ្ឋបាលខេត្តកំពង់ចាមបានសម្រេចគោរពស្នើសុំបិទបញ្ចប់យុទ្ធនាការចាក់វ៉ាក់សាំងកូវីដ-១៩ ទូទាំងខេត្តកំពង់ចាម ត្រឹមថ្ងៃទី១៩ ខែកញ្ញា ឆ្នាំ២០២១ និងស្នើសុំបើកដំណើរការកន្លែងចាក់វ៉ាក់សាំងកូវីដ-១៩ ជាអចិន្ត្រៃយ៍ នៅតាមមន្ទីរពេទ្យបង្អែកចំនួន០៩កន្លែង ដើម្បីឲ្យប្រជាពលរដ្ឋដែលពុំទាន់ទទួលបានការចាក់វ៉ាក់សាំងកូវីដ-១៩ មកទទួលយកសេវា ក្រោយពីបិទបញ្ចប់យុទ្ធនាការ។

លោកស្រី ឱ វណ្ណឌីន បានលើកឡើងថា វឌ្ឍនភាពនៃការចាក់វ៉ាក់សាំងកូវីដ១៩ មិនអាចប្រព្រឹត្តទៅដោយរលូនបានទេ ប្រសិនណាបើមិនមាន វត្តមានសម្ដេចតេជោនាយករដ្ឋមន្ត្រី ដែលការដឹកនាំដ៏ប៉ិនប្រសព្វរបស់សម្ដេច ក្នុងការស្វែងរកវ៉ាក់សាំងមកផ្ដល់ជូន និងចាក់ជូនប្រជាពលរដ្ឋទូទាំងប្រទេសបានទាន់ពេលវេលា។

ជាមួយគ្នានោះដែរ លោកស្រី ឱ វណ្ណឌីន ក៏បានជំរុញដល់អាជ្ញាធរខេត្តកំពង់ចាម សូមឲ្យបន្តធ្វើការផ្សព្វផ្សាយអំពីវិធានការ ការពារការឆ្លងរាលដាលនៃជំងឺកូវីដ១៩ នៅតាមសហគមន៍បន្ថែមទៀត ដើម្បីបញ្ជ្រាបព័ត៌មាននេះ ឲ្យប្រជាពលរដ្ឋបានយល់ដឹងទូលំទូលាយ ដើម្បីពួកគាត់បានកែប្រែឥរិយាបថ ងាកមកចូលរួមទាំងអស់គ្នា អនុវត្តតាមសេចក្តីណែនាំ របស់ក្រសួងសុខាភិបាល ដើម្បីបញ្ចៀសការឆ្លងរាលដាលនៃជំងឺកូវីដ១៩នេះ៕

Filed in: ព័ត៌មានជាតិ, ព័ត៌មានថ្មីៗ

Leave a Reply

Submit Comment
ទាក់ទងផ្តល់​ព័ត៌មាន តាមទូរស័ព្ទលេខ 081 827 878 ឬ តាម Whatsapp : 081 827 878 | Telegram : 081 827 878 ! សូមអរគុណ !

©២០១៨ រក្សាសិទ្ធ​ដោយ​ Khmer Network News | ទូរស័ព្ទ៖ 081 827 878 | អ៊ីម៉ែល៖ reaksasok72@gmail.com

សហការផ្តល់ព័ត៌មាន៖ 081 827 878 | អ៊ីម៉ែល ៖ reaksasok72@gmail.com