ទាន់ហេតុការណ៍
ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ បន្តពិគ្រោះ ផ្ដល់យោបល់ និងប្រមូលធាតុចូលពីគ្រប់ភាគីពាក់ព័ន្ធ លើសេចក្តីព្រាងច្បាប់ភូមិបាល(ថ្មី) ដើម្បីឱ្យសេចក្តីព្រាងច្បាប់នេះមានលក្ខណៈគ្រប់ជ្រុងជ្រោយ ងាយស្រួលអនុវត្ត ជាពិសេស​ឆ្លើយតបបានចំពោះតម្រូវការសេដ្ឋកិច្ចសង្គមកម្ពុជា។ »»» បងប្អូនក្រុមវាលទី២១ (ភូមិបាលខណ្ឌដង្កោ)​ ចុះវាស់វែងដីធ្លី ជូនបងប្អូនប្រជាពលរដ្ឋ​ ស្ថិតនៅភូមិក្រញូង ឃុំពោធិអង្រ្គង ស្រុកបសេដ្ឋ ខេត្តកំពង់ស្ពឺ។ »»» វិញ្ញាបនបត្រសម្គាល់ម្ចាស់អចលនវត្ថុចំនួន ៣ ០១០ ក្បាលដី ត្រូវបានប្រគលជូនប្រជាពលរដ្ឋចំនួន ៣ភូមិស្ថិតនៅភូមិត្រគួន ភូមិនរាយណ៍ និងភូមិព្រៃតាភេម ក្នុងឃុំពោធិអង្គ្រង ស្រុកបសេដ្ឋ ខេត្តកំពង់ស្ពឺ »»» សាយ សំអាល់​ ៖ អាងប្រព្រឹត្តកម្មទឹកកខ្វក់នេះ ជាបំណែកមួយនៃហេដ្ឋារចនាសម្ព័ន្ធរួមដែលយើងចាំបាច់ត្រូវធ្វើដើម្បីទ្រទ្រង់កំណើនសេដ្ឋកិច្ច និងបង្កើតការងារជូនបងប្អូនប្រជាជននៅខេត្តព្រះសីហនុ។ »»» ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ ទទួលជួបពិភាក្សាការងារជាមួយក្រុមហ៊ុន China Siwei Surveying and Mapping Technology ដែលជាប្រតិបត្តិករផ្កាយរណបឈានមុខគេមួយក្នុងការផ្តល់សេវាប្រមូល និងប្រើប្រាស់ទិន្នន័យភូមិសាស្ត្រ »»» បងប្អូនក្រុមវាល បន្តចុះវាស់វែង និងប្រមូលទិន្នន័យក្បាលដី ចុះបញ្ជីដីធ្លីមានលក្ខណៈជាប្រព័ន្ធ ជូនប្រជាពលរដ្ឋស្ថិតនៅសង្កាត់ព្រែកតាកូវ សង្កាត់ព្រែកអំពិល សង្កាត់បារុង និងសង្កាត់បាក់ដាវ ក្រុងអរិយក្សត្រ ខេត្តកណ្ដាល។ »»» ក្រោយជួបពិភាក្សាជាមួយក្រសួងរៀបចំដែនដី នគរូបនីយកម្ម និងសំណង់ រួចមកក្រុមហ៊ុនបុរីពិភពថ្មី បានសម្រេចចេញនូវគោលការណ៍សម្រួលដល់អតិថិជនដែលកំពុងបង់រំលស់មានការយឺតយ៉ាវ »»» សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងជាប្រធានកិត្តិយសសហភាពសហព័ន្ធយុវជនកម្ពុជា បានអញ្ជើញជាអធិបតីក្នុងពិធីបិទកិច្ចប្រជុំគណៈកម្មាធិការកណ្តាល សហភាពសហព័ន្ធយុវជនកម្ពុជា នៅសាលសន្និសីទសណ្ឋាគារ សុខាភ្នំពេញ នាព្រឹកថ្ងៃទី ១៤ ខែមីនា ឆ្នាំ ២០២៤។ »»» វាជាការឈឺចាប់យ៉ាងខ្លាំងបន្ទាប់ពីទិញដីហើយកក់ប្រាក់អស់$5000បែជាម្ចាស់ដីប្តឹងទៅក្រសួងមហាផ្ទៃចោទពីបទក្លែងឯកសារ »»» បងប្អូនក្រុមវាលទី១នៃមន្ទីររៀបចំដែនដី​ នគរូបនីយកម្ម​ សំណង់​ និងសុរិយោដីខេត្តពោធិ៍សាត់​ ចុះវាស់វែង​ ប្រមូលទិន្នន័យក្បាលដី​ និងវិនិច្ឆ័យដីធ្លី​មានលក្ខណៈជាប្រព័ន្ធជូនបងប្អូនប្រជាពលរដ្ឋ​ នៅភូមិថ្គោលធំ ឃុំអន្សាចំបក់ ស្រុកក្រគរ​ ខេត្តពោធិ៍សាត់​។
0

ក្រសួងរ៉ែ និងថាមពល ចេញសេចក្តីប្រកាសព័ត៌មាន ជុំវិញបច្ចុប្បន្នភាពនៃនាវា MT Strovolos និងក្រុមនាវិក

(ភ្នំពេញ)៖ ក្រសួងរ៉ែ និងថាមពល នៅព្រឹកថ្ងៃទី៣០ ខែកញ្ញានេះ បានចេញសេចក្តីប្រកាសព័ត៌មាន ជុំវិញបច្ចុប្បន្នភាពនៃនាវា MT Strovolos និងក្រុមនាវិក ដែលត្រូវបានចាប់ខ្លួន ពាក់ព័ន្ធបទល្មើសលួចប្រេងឆៅរបស់កម្ពុជា។

សេចក្តីប្រកាសព័ត៌មានដែលទទួលបាននៅព្រឹកនេះបានបញ្ជាក់ថា គោលបំណងនៃសេចក្តីប្រកាសព័ត៌មាននេះ ធ្វើឡើងដើម្បីធ្វើបច្ចុប្បន្នភាព នៃការវិវឌ្ឍពាក់ព័ន្ធនឹងនាវា MT Strovolos និង ក្រុមនាវិករបស់នាវានេះ និង ដើម្បីកែតម្រូវនូវព័ត៌មានបំភ្លៃការពិតមួយចំនួន ដែលត្រូវបានផ្សព្វផ្សាយនៅក្នុងសារព័ត៌មានមួយចំនួន នាពេលថ្មីៗនេះ។

ក្រសួងរ៉ែ និងថាមពល ជូនជម្រាបសាធារណជនឲ្យបានជ្រាបថា៖

១៖ ក្រុមនាវិកនៃនាវា MT Strovolos ត្រូវបានចាប់ខ្លួន ដោយអាជ្ញាធរនៃប្រទេសឥណ្ឌូណេស៊ី ពាក់ព័ន្ធនឹងការចោទប្រកាន់បទល្មើសព្រហ្មទណ្ឌ អំពីការលួចប្រេងឆៅ នៅលើនាវាចំនួន ២៩៥.០០០ បា-រ៉ែល របស់ព្រះរាជាណាចក្រកម្ពុជា។
២៖ ការចាប់ខ្លួននេះ ត្រូវបានធ្វើឡើងក្រោយពេលនិវេទន៍ក្រហមរបស់អាំងទ័រប៉ូល ត្រូវបានចេញពាក់ព័ន្ធនឹងការចោទប្រកាន់ បទល្មើសព្រហ្មទណ្ឌ នៅក្នុងប្រទេសកម្ពុជា។

៣៖ ការចាប់ខ្លួននេះ ត្រូវបានធ្វើឡើងក្រោយពេល ដែលនីតិវិធីតុលាការឥណ្ឌូណេស៊ីប្រឆាំងនឹងនាវា MT Strovolos និងក្រុមនាវិករបស់នាវានេះ សំរាប់ការបំពានច្បាប់ឥណ្ឌូណេស៊ីដោយសារការបិទប្រព័ន្ធកំណត់អត្តសញ្ញាណស្វ័យប្រវត្តិរបស់នាវា និង ការចូលទៅកាន់ដែនទឹកឥណ្ឌូណេស៊ី ដោយគ្មានការអនុញ្ញាត ត្រូវបានបញ្ចប់ ហើយជាលទ្ធផលនាំឲ្យមានការផ្តន្ទាទោសដាក់ពន្ធនាគារ ដល់ប្រធានក្រុមនាវិក និងការផាកពិន័យជាប្រាក់ផងដែរ។

៤៖ ការចាត់វិធានការខាងលើនេះ គឺកើតឡើងពីទំនាក់ទំនងល្អ រវាងប្រទេសជាសមាជិកអាស៊ាន ស្របតាមសិទ្ធិសញ្ញាអាស៊ាននានា ហើយយើងសូមថ្លែងអំណរគុណយ៉ាងជ្រាលជ្រៅ ដល់រដ្ឋាភិបាលនៃសាធារណរដ្ឋឥណ្ឌូណេស៊ី សំរាប់កិច្ចសហការនេះ។

* សេចក្តីសង្ខេបហេតុការណ៍ និង ការវិវឌ្ឍចុងក្រោយ៖

នាវា MT Strovolos គឺត្រូវបានចតនៅតំបន់គម្រោងប្រេងកាតអប្សរា បំពេញតួនាទីរបស់ខ្លួនជានាវាផ្ទុក និង ផ្ទេរប្រេងឆៅ ពេលដែលក្រុមនាវិកនៃនាវានេះ បានបើកនាវាចេញពីដែនទឹកកម្ពុជា ដោយគ្មានការជូនដំណឹង ឬ ការអនុញ្ញាតណាមួយពីអាជ្ញាធរមានសមត្ថកិច្ច កាលពីថ្ងៃទី ១៩ ខែ មិថុនា ឆ្នាំ ២០២១ ដោយបាននាំយកទៅជាមួយនូវប្រេងឆៅរបស់កម្ពុជាផងដែរ ។

ពេលដែលចាកចេញ នាវា MT Strovolos នេះ បានបិទប្រព័ន្ធកំណត់អត្តសញ្ញាណ ស្វ័យប្រវត្តិរបស់ខ្លួន ដែលនាំឲ្យការស្វែងរកនាវានេះ មិនអាចធ្វើទៅបាន ហើយការបិទប្រព័ន្ធនេះ ក៏អាចបង្ករឲ្យមានគ្រោះថ្នាក់ដល់ជីវិតមនុស្ស នៅលើលំហសមុទ្រផងដែរ។ បើទោះបីជាមានការស្នើសុំឲ្យវិលត្រឡប់មកវិញក៏ដោយ ក៏នាវានេះមិនព្រមត្រឡប់មកដែនទឹកកម្ពុជាឡើយ។ ការចោទប្រកាន់មួយចំនួន ត្រូវបានធ្វើឡើងនៅក្នុងប្រទេសកម្ពុជា ប្រឆាំងនឹងក្រុមនាវិកទាំងនោះ រួមមានដូចជាការចោទប្រកាន់ ពីបទលួចប្រេងឆៅជាដើម ។

ដោយប្រើប្រាស់សិទ្ធិ និងកាតព្វកិច្ចរបស់ខ្លួន ស្របតាមច្បាប់ជាតិ និងច្បាប់អន្តរជាតិ រាជរដ្ឋាភិបាលកម្ពុជា បានស្នើសុំ និងបានទំនាក់ទំនងដោយផ្ទាល់ ជាមួយអាជ្ញាធរឥណ្ឌូណេស៊ី និងតាមរយៈប៉ូលីសអាំងទែប៉ូល ឲ្យចាប់ខ្លួន និងធ្វើបត្យាប័នក្រុមនាវិកទាំងនោះ មកព្រះរាជាណាចក្រកម្ពុជា ស្របតាមនីតិវិធីដែលមានកំណត់ ក្នុងសន្ធិសញ្ញាអាស៊ាន ស្តីការជួយគ្នាទៅវិញទៅមកផ្នែកច្បាប់ ក្នុងវិស័យព្រហ្មទណ្ឌ និង ច្បាប់កម្ពុជាដែលពាក់ព័ន្ធ។

ការធ្វើបត្យាប័ន និងការជួយគ្នាទៅវិញទៅមកផ្នែកច្បាប់បែបនេះ ត្រូវបានធ្វើឡើងជាធម្មតា នៅលើពិភពលោក ដើម្បីការពារ និងបង្ការការប្រព្រឹត្តបទល្មើសព្រហ្មទណ្ឌផ្សេងៗ ។

ក្រសួងរ៉ែ និងថាមពល ដឹងថា កន្លងមកក្រុមនាវិកនៃនាវា MT Strovolos ត្រូវបានឃុំខ្លួននៅក្នុងសាធារណរដ្ឋឥណ្ឌូណេស៊ី នៅអំឡុងខែ កក្កដា ឆ្នាំ២០២១ ដោយសារតែពួកគេបានចូល ទៅក្នុងដែនទឹកឥណ្ឌូណេស៊ីដោយគ្មានការអនុញ្ញាតត្រឹមត្រូវ និងដោយសារការបិទប្រព័ន្ធកំណត់ អត្តសញ្ញាណស្វ័យប្រវត្តិរបស់នាវា។ ប្រធានក្រុមនាវិក ត្រូវបានជំនុំជម្រះ និង ដាក់ទោសពីបទល្មើសនេះផងដែរ ហើយបច្ចុប្បន្ន កំពុងតែអនុវត្តទោស ពន្ធនាគារ និងរងការផាកពិន័យជាប្រាក់ផងដែរ ។

នៅគ្រប់ដំណាក់កាលទាំងអស់ រាជរដ្ឋាភិបាលកម្ពុជា តែងតែគោរព និងបន្តគោរពសិទ្ធិរបស់ក្រុមនាវិកទាំងអស់នោះ ។ ប៉ុន្តែការប្រពឹត្តបទល្មើសរបស់ពួកគេ ត្រូវតែកាត់ទោសតាមច្បាប់។ ការអនុវត្តច្បាប់បែបនេះ មិនមែនទង្វើគ្មានសីលធម៌ទេ។

រាជរដ្ឋាភិបាលកម្ពុជា កំពុងតែស្វែងរកយុត្តិធម៌ ចំពោះជនទាំងឡាយ ដែលត្រូវបានចោទប្រកាន់ពីបទល្មើសព្រហ្មទណ្ឌធ្ងន់ធ្ងរ ក្រោយពេលដែលនីតិវិធីផ្លូវច្បាប់ នៅឥណ្ឌូណេស៊ី ត្រូវបានបញ្ចប់ ។ សិទ្ធិទទួលបានការជំនុំជម្រះ ដោយយុត្តិធម៌ និង ដោយឆាប់រហ័ស គឺត្រូវបានធានា ចំពោះបុគ្គលគ្រប់រូប ដែលត្រូវបានធ្វើបត្យាប័នមកកម្ពុជា ក្នុងការទទួលបានការកាត់ទោស សម្រាប់ការបំពានច្បាប់ ដូចក្នុងករណីនេះជាដើម ។

* ការកែតម្រូវព័ត៌មានមិនពិត៖

ក្រសួងរ៉ែនិងថាមពល បានឃើញព័ត៌មាន និងការអះអាងមិនពិតពាក់ព័ន្ធនឹងកម្មសិទ្ធិ លើប្រេងឆៅក្នុងសេចក្តីថ្លែងការណ៍មួយចំនួនរបស់ម្ចាស់នាវា និងអ្នកគ្រប់គ្រងនាវា MT Strovolos ដែលចាំបាច់ត្រូវកែតម្រូវ។ ប្រេងឆៅទាំងអស់ គឺជាទ្រព្យសម្បត្តិរបស់ព្រះរាជាណាចក្រកម្ពុជា គ្រប់ពេលវេលាទាំងអស់។ ការលួច ឬ ការរំលោភបំពានកម្មសិទ្ធិ លើប្រេងឆៅដោយម្ចាស់នាវា អ្នកគ្រប់គ្រង និងក្រុមនាវិកនៃនាវា MT Strovolos និងបក្ខពួករបស់គេ គឺជាបទល្មើសក្រោមច្បាប់កម្ពុជា។

ម្ចាស់នាវា អ្នកគ្រប់គ្រង និងក្រុមនាវិកនៃនាវា MT Strovolos ត្រូវបានជូនដំណឹងអំពីកម្មសិទ្ធិលើប្រេងឆៅ និងការបំពានច្បាប់កម្ពុជា តាំងពីប៉ុន្មានខែមុនមកម៉្លេះ។ ពួកគេមិនត្រឹមតែមិនបានធ្វើសកម្មភាពណាមួយ ក្នុងការបង្វិលសងប្រេងឆៅ មកព្រះរាជាណាចក្រកម្ពុជាវិញទេ ប៉ុន្តែពួកគេថែមទាំងធ្វើដំណើរទៅកាន់កំពង់ផែជាច្រើន នៅក្នុងប្រទេសថៃ និង ប្រទេសឥណ្ឌូនេស៊ីជាដើម ដោយពួកគេបានបន្តបិទប្រព័ន្ធកំណត់អត្តសញ្ញាណស្វ័យប្រវត្តិ របស់នាវាក្នុងរយៈពេលយូរ ពេលដែលពួកគេធ្វើដំណើររួមទាំងពេល៖

* ចាកចេញពីដែនទឹកកម្ពុជា ដោយគ្មានការអនុញ្ញាត
* ចាកចេញពីដែនទឹកប្រទេសថៃ និង
* ចូលទៅកាន់ដែនទឹកប្រទេសឥណ្ឌូនេស៊ី ។

ពេលដែលនាវា MT Strovolos ចាកចេញពីដែនទឹកកម្ពុជា ដោយខុសច្បាប់ នាវានេះកំពុងត្រូវបានជួលដោយក្រុមហ៊ុន គ្រីសអេនើជី ដែលជាក្រុមហ៊ុនទទួលបានកិច្ចសន្យា ក្នុងការអភិវឌ្ឍជម្រកប្រេងកាតកម្ពុជា ។ វិវាទរវាងម្ចាស់នាវា និងអ្នកគ្រប់គ្រងនាវា និងក្រុមហ៊ុន គ្រីសអេនើជី ពាក់ព័ន្ធនឹងការជួលនាវា ប្រហែលជាបានកើតឡើង ប៉ុន្តែបញ្ហានេះមិនពាក់ព័ន្ធដល់ព្រះរាជាណាចក្រកម្ពុជាឡើយ។

ប្រេងឆៅមិនអាចក្លាយជាកម្មវត្ថុ នៃការទាមទាររបស់ម្ចាស់នាវា និងអ្នកគ្រប់គ្រងនាវា MT Strovolos ឡើយ ព្រោះថាប្រេងឆៅទាំងនេះ មិនមែនជាកម្មសិទ្ធិរបស់អ្នកជួលនាវា (ក្រុមហ៊ុន គ្រីសអេនើជី) ទេ។ ដូចបញ្ជាក់កន្លងមក ប្រេងឆៅជាទ្រព្យសម្បត្តិ របស់ព្រះរាជាណាចក្រកម្ពុជា។ គ្មានការទាមទារណាមួយក្រោមកិច្ចព្រមព្រៀង ជួលនាវាអាចផ្តល់ហេតុផលសមរម្យ ឬអនុញ្ញាតឲ្យនាវា MT Strovolos ចាកចេញពីដែនទឹកកម្ពុជាដោយខុសច្បាប់ ឬ អនុញ្ញាតឲ្យមានរការរំលោភបំពានកម្មសិទ្ធិប្រេងឆៅ របស់កម្ពុជាឡើយ។

ម្ចាស់នៃនាវា MT Strovolos បានថ្លែងការណ៍ថា ខ្លួនយកចិត្តទុកដាក់ដល់សុខមាលភាព របស់ក្រុមនាវិក នៅក្នុងសេចក្តីប្រកាសព័ត៌មានរបស់ខ្លួន។ ប៉ុន្តែសេចក្តីថ្លែងការណ៍នេះ គឺផ្ទុយទៅនឹងការពិតដែលក្រុមនាវិករបស់ពួកគេ មិនបានគោរពគោលការណ៍សុវត្ថិភាពនៃជីវិតមនុស្ស នៅលើលំហសមុទ្រឡើយ។ ពួកគេបានបិទប្រព័ន្ធអត្តសញ្ញាណស្វ័យប្រវត្តិ របស់នាវាក្នុងពេលពួកគេធ្វើដំណើរ ទន្ទឹមនឹងការដែលពួកគេចាកចេញពីដែនទឹកកម្ពុជា ដោយគ្មានការអនុញ្ញាត ឬ ដោយគ្មានសិទ្ធិ ដោយនាំយកទៅជាមួយនូវប្រេងឆៅ របស់ព្រះរាជាណាចក្រកម្ពុជា។

លើសពីនេះទៀត ពេលនេះ ពួកគេគួរតែត្រូវរៀបចំបង្វិលសងប្រេងឆៅ មកឲ្យម្ចាស់ស្របច្បាប់ គឺព្រះរាជាណាចក្រកម្ពុជាវិញ និងគួរតែបោះបង់ការព្យាយាមណាមួយទាមទារប្រាក់ ពីព្រះរាជាណាចក្រកម្ពុជា ចំពោះបញ្ហាដែលជាវិវាទរបស់ពួកគេជាមួយ និងក្រុមហ៊ុន គ្រីសអេនើជី ។

យើងសូមសម្តែងសេចក្តីសាទរ ចំពោះកិច្ចសហប្រតិបត្តិការដែលយើងទទួលបាន ពីអាជ្ញាធរឥណ្ឌូណេស៊ី តាំងពីដើមរហូតដល់ពេលនេះ និង អរគុណចំពោះការផ្តល់ជំនួយផ្នែកច្បាប់របស់ពួកគេ ។ នេះបង្ហាញពីចំណងមិត្តភាពល្អ រវាងព្រះរាជាណាចក្រកម្ពុជា និង សាធារណរដ្ឋឥណ្ឌូណេស៊ី និងសហគមន៍អាស៊ានទាំងមូល៕

Filed in: ព័ត៌មានជាតិ, ព័ត៌មានថ្មីៗ

Leave a Reply

Submit Comment
ទាក់ទងផ្តល់​ព័ត៌មាន តាមទូរស័ព្ទលេខ 081 827 878 ឬ តាម Whatsapp : 081 827 878 | Telegram : 081 827 878 ! សូមអរគុណ !

©២០១៨ រក្សាសិទ្ធ​ដោយ​ Khmer Network News | ទូរស័ព្ទ៖ 081 827 878 | អ៊ីម៉ែល៖ reaksasok72@gmail.com

សហការផ្តល់ព័ត៌មាន៖ 081 827 878 | អ៊ីម៉ែល ៖ reaksasok72@gmail.com