ទាន់ហេតុការណ៍
កូរ៉េខាងជើងទើបបាញ់តេស្តមីស៉ីល២គ្រាប់ទៀត, នេះបើតាមការអះអាងរបស់កូរ៉េខាងត្បូង »»» ក្រសួងធនធានទឹក ជូនដំណឹងពីស្ថានភាពអាកាសធាតុនៅកម្ពុជា ចាប់ពីថ្ងៃទី២៦ ខែមករា ដល់ថ្ងៃទី១ ខែកុម្ភៈ ឆ្នាំ២០២២ »»» សម្តេចក្រឡាហោម ស ខេង បញ្ជាឲ្យក្រសួង-ស្ថាប័នពាក់ព័ន្ធត្រូវពិនិត្យឡើងវិញ ក្នុងការ​អនុញ្ញាត​ឲ្យ​នាំ​សារធាតុញៀន​ចូល​មក​កម្ពុជា »»» ប្រមុខក្រសួងមហាផ្ទៃ បញ្ជាឲ្យត្រួតពិនិត្យឲ្យបាន​ម៉ត់ចត់​ការ​ដំឡើង​តួនាទី និង​ឋានន្តរសក្ដិ​ដល់​មន្ត្រី​នគរបាល »»» ពីធីទទួលជំនួយវ៉ាក់សាំងរបស់ប៉ូឡូញ ត្រូវបានលើកពេលទៅថ្ងៃស្អែកវិញ ដោយសារបញ្ហាអាកាសធាតុនៅប៉ូឡូញ »»» Hossein Vafaei ក្លាយជា​កីឡាករ​ស្នូកឃ័រ​អ៊ីរ៉ង់​ដំបូង​គ្រង​ជើងឯក Snooker Shoot Out ក្រោយ​យកឈ្នះ Mark Williams »»» អារ៉ាប៊ីសាអូឌីត និងអេមីរ៉ាត់អារ៉ាប់រួម បាញ់ស្ទាក់មីស៉ីបាលីស្ទីក របស់ក្រុមឧទ្ទាម Houthi ចំនួន៣គ្រាប់ ដោយជោគជ័យ »»» ជប៉ុនប្រគល់រថយន្តពន្លត់អគ្គិភ័យ៤គ្រឿង ដល់រដ្ឋបាលរាជធានីភ្នំពេញ មានទាំងរថយន្តបំពាក់ជណ្តើរកម្ពស់ ៤០ម៉ែត្រ »»» ក្រសួងប្រៃសណីយ៍ និងទូរគមនាគមន៍ជូនដំណឹងពីការដាក់ឲ្យប្រើប្រាស់ប្រព័ន្ធសហគមន៍ឌីជីថលកម្ពុជា »»» សមត្ថកិច្ចចម្រុះចុះបង្រ្កាបឃ្លាំងស្តុកទុកគ្រឿងសម្អាង៣ល្វែងសង្ស័យជារបស់ក្រុមហ៊ុនគ្រីស្ទីណា
0

ជំនួយវ៉ាក់សាំងដែលកម្ពុជា ផ្ដល់ជូនឡាវ បង្ហាញពីមនោសញ្ចោតនាជាបងប្អូន និងសាមគ្គីគ្នាក្នុងគ្រាលំបាក

(ស្ទឹងត្រែង)៖ លោក ម៉ម ប៊ុនហេង រដ្ឋមន្ដ្រីក្រសួងសុខាភិបាល នៅព្រឹកថ្ងៃទី០៣ ខែធ្នូ ឆ្នាំ២០២១នេះ ត្រូវបានសម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា ចាត់ឲ្យអញ្ជើញជាតំណាងក្នុងការនាំយកនូវវ៉ាក់សាំង ចំនួន៥០ម៉ឺនដូស និងរថយន្ដដឹកវ៉ាក់សាំង ចំនួន៣គ្រឿង ដែលជាការផ្ដល់ជូនរបស់រាជរដ្ឋាភិបាល និងប្រជាជនកម្ពុជា ជូនដល់រដ្ឋាភិបាល និងប្រជាជនឡាវ។ ពិធីប្រគល់ និងទទួលនេះ ត្រូវបានធ្វើឡើងនៅព្រំដែនកម្ពុជា-ឡាវ ក្នុងខេត្តស្ទឹងត្រែង។

តាមរយៈការថ្លែងសុន្ទរកថា លោក ម៉ម ប៊ុនហេង បានលើកឡើងថា ការផ្ដល់នូវជំនួយរបស់កម្ពុជា ជូនដល់មិត្តឡាវ នាឱកាសនេះ ដើម្បីជួយទប់ស្កាត់ការរាលដាលជំងឺកូវីដ-១៩ នៅក្នុង
ប្រទេសឡាវ គឺជាកាយវិការបង្ហាញនូវមនោសញ្ចេតនាជាបងប្អូន និងសាមគ្គីភាពរបស់ប្រជាជនកម្ពុជា ជាមួយប្រជាជនឡាវ នៅក្នុងកាលៈទេសៈ ដែលពិភពលោកទាំងមូលកំពុងជួបនឹងបញ្ហាប្រឈម ដែលមិនធ្លាប់មានពីមុនមក។

លោកបានអះអាងថា វ៉ាក់សាំងកូវីដ-១៩ ប្រភេទស៊ីណូវ៉ាក់ ចំនួន៥០០,០០០ដូស និងរថយន្តដឹកវ៉ាក់សាំង ចំនួន៣គ្រឿង ដែលជាជំនួយរបស់រាជរដ្ឋាភិបាល និងប្រជាជន នៃកម្ពុជា ជូនរដ្ឋាភិបាល និងប្រជាជន នៃសាធារណរដ្ឋប្រជាធិបតេយ្យប្រជាមានិតឡាវ សម្រាប់បម្រើឲ្យការឆ្លើយតបការរាតត្បាតនៃជំងឺកូវីដ-១៩ នៅប្រទេសឡាវ។ ខណៈនេះជាលើកទី៣ហើយ ដែលកម្ពុជា ផ្ដល់ជូនមិត្តឡាវ។

លោក ម៉ម ប៊ុនហេង ក៏បានឆ្លៀតគូសរំលេចផងដែរថា កម្ពុជា និងឡាវមានចំណងមិត្តភាពជាប្រពៃណី ជាបងប្អូនដ៏យូរអង្វែង ហើយបច្ចុប្បន្នប្រទេស
យើងទាំងពីរ ក៏មានកិច្ចសហប្រតិបត្តិការក្នុងក្របខណ្ឌទ្វេភាគី ពហុភាគី ក៏ដូចជាក្នុងអាស៊ាន ដើម្បីនាំមកនូវសន្តិភាព ស្ថិរភាព សន្តិសុខ ការអភិវឌ្ឍន៍ប្រកបដោយចិរភាព និងផលប្រយោជន៍នៃប្រជាជាតិយើងទាំងពីរ ក៏ដូចជាក្នុងតំបន់។

លោកជឿជាក់ថា ទំនាក់ទំនងល្អប្រសើរជាប្រពៃណី និងកិច្ចសហប្រតិបត្តិការរវាងប្រទេសទាំងពីរ (កម្ពុជា-ឡាវ) នឹងកាន់តែរីកចម្រើន រឹងមាំ នាំមកនូវភាពសុខដុម និងវឌ្ឍនភាពសេដ្ឋកិច្ច-សង្គម ជានិរន្តរ៍ ដល់ប្រជាជនយើងទាំងពីរ ដែលនឹងរួមចំណែកផងដែរ ដល់សន្តិភាព ស្ថិរភាព និងការអភិវឌ្ឍនៅក្នុងតំបន់។

បន្ថែមពីនេះ តាងនាមប្រជាជនកម្ពុជា សម្តេចតេជោនាយករដ្ឋមន្ត្រី ក៏សូមជូនពរដល់ប្រជាជនឡាវ ជាបងប្អូន សូមបានប្រកបដោយសុខុមាលភាព សុវត្ថិភាព និងទទួលបានជោគជ័យក្នុងការគ្រប់គ្រងការរាតត្បាត នៃជំងឺកូវីដ-១៩។ នេះជាអ្វីដែលជាការលើកឡើងបន្ថែមរបស់លោករដ្ឋមន្ដ្រី ម៉ម ប៊ុនហេង។

សូមជម្រាបថា ពាក់ព័ន្ធនឹងជំនួយនេះ លោក ប៊ុនហ្វែង ភូមិម៉ាឡៃស៉ីត រដ្ឋមន្ដ្រីក្រសួងសុខាភិបាលឡាវ តាងនាមរដ្ឋាភិបាល និងប្រជាជនឡាវ បានថ្លែងអំណរគុណយ៉ាងជ្រាលជ្រៅដល់រាជរដ្ឋាភិបាល និងប្រជាជនកម្ពុជា ដែលបានផ្ដល់ជំនួយទាំងអស់ ក្នុងគ្រាដែលប្រទេសគេកំពុងជួបប្រទះ និងប្រឈមជាមួយជំងឺកូវីដ១៩។

លោក ប៊ុនហ្វែង ភូមិម៉ាឡៃស៉ីត បានអះអាងទៀតថា ជំនួយទាំងនេះ នឹងជាផ្នែកមួយសំខាន់ ចូលក្នុងការងារការពារទប់សកាត់ការឆ្លងរាលដាលជំងឺកូវីដ-១៩ ដែលប្រទេសឡាវកំពុងតែប្រឈមមុខនាពេលបច្ចុប្បន្ន និងជាពិសេសការបង្កើនការការពារឲ្យសហគមន៍ និងការឈានទៅដល់ការផ្តល់ការចាក់វ៉ាក់សាំងជូនប្រជាពលរដ្ឋ ឲ្យបាន៥០ភាគរយ ក្នុងចុងឆ្នាំ២០២១នេះ៕

Filed in: ព័ត៌មានជាតិ, ព័ត៌មានថ្មីៗ

Leave a Reply

Submit Comment
ទាក់ទងផ្តល់​ព័ត៌មាន តាមទូរស័ព្ទលេខ 081 827 878 ឬ តាម Whatsapp : 081 827 878 | Telegram : 081 827 878 ! សូមអរគុណ !

©២០១៨ រក្សាសិទ្ធ​ដោយ​ Khmer Network News | ទូរស័ព្ទ៖ 081 827 878 | អ៊ីម៉ែល៖ reaksasok72@gmail.com

សហការផ្តល់ព័ត៌មាន៖ 081 827 878 | អ៊ីម៉ែល ៖ reaksasok72@gmail.com