ទាន់ហេតុការណ៍
ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ បន្តពិគ្រោះ ផ្ដល់យោបល់ និងប្រមូលធាតុចូលពីគ្រប់ភាគីពាក់ព័ន្ធ លើសេចក្តីព្រាងច្បាប់ភូមិបាល(ថ្មី) ដើម្បីឱ្យសេចក្តីព្រាងច្បាប់នេះមានលក្ខណៈគ្រប់ជ្រុងជ្រោយ ងាយស្រួលអនុវត្ត ជាពិសេស​ឆ្លើយតបបានចំពោះតម្រូវការសេដ្ឋកិច្ចសង្គមកម្ពុជា។ »»» បងប្អូនក្រុមវាលទី២១ (ភូមិបាលខណ្ឌដង្កោ)​ ចុះវាស់វែងដីធ្លី ជូនបងប្អូនប្រជាពលរដ្ឋ​ ស្ថិតនៅភូមិក្រញូង ឃុំពោធិអង្រ្គង ស្រុកបសេដ្ឋ ខេត្តកំពង់ស្ពឺ។ »»» វិញ្ញាបនបត្រសម្គាល់ម្ចាស់អចលនវត្ថុចំនួន ៣ ០១០ ក្បាលដី ត្រូវបានប្រគលជូនប្រជាពលរដ្ឋចំនួន ៣ភូមិស្ថិតនៅភូមិត្រគួន ភូមិនរាយណ៍ និងភូមិព្រៃតាភេម ក្នុងឃុំពោធិអង្គ្រង ស្រុកបសេដ្ឋ ខេត្តកំពង់ស្ពឺ »»» សាយ សំអាល់​ ៖ អាងប្រព្រឹត្តកម្មទឹកកខ្វក់នេះ ជាបំណែកមួយនៃហេដ្ឋារចនាសម្ព័ន្ធរួមដែលយើងចាំបាច់ត្រូវធ្វើដើម្បីទ្រទ្រង់កំណើនសេដ្ឋកិច្ច និងបង្កើតការងារជូនបងប្អូនប្រជាជននៅខេត្តព្រះសីហនុ។ »»» ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ ទទួលជួបពិភាក្សាការងារជាមួយក្រុមហ៊ុន China Siwei Surveying and Mapping Technology ដែលជាប្រតិបត្តិករផ្កាយរណបឈានមុខគេមួយក្នុងការផ្តល់សេវាប្រមូល និងប្រើប្រាស់ទិន្នន័យភូមិសាស្ត្រ »»» បងប្អូនក្រុមវាល បន្តចុះវាស់វែង និងប្រមូលទិន្នន័យក្បាលដី ចុះបញ្ជីដីធ្លីមានលក្ខណៈជាប្រព័ន្ធ ជូនប្រជាពលរដ្ឋស្ថិតនៅសង្កាត់ព្រែកតាកូវ សង្កាត់ព្រែកអំពិល សង្កាត់បារុង និងសង្កាត់បាក់ដាវ ក្រុងអរិយក្សត្រ ខេត្តកណ្ដាល។ »»» ក្រោយជួបពិភាក្សាជាមួយក្រសួងរៀបចំដែនដី នគរូបនីយកម្ម និងសំណង់ រួចមកក្រុមហ៊ុនបុរីពិភពថ្មី បានសម្រេចចេញនូវគោលការណ៍សម្រួលដល់អតិថិជនដែលកំពុងបង់រំលស់មានការយឺតយ៉ាវ »»» សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងជាប្រធានកិត្តិយសសហភាពសហព័ន្ធយុវជនកម្ពុជា បានអញ្ជើញជាអធិបតីក្នុងពិធីបិទកិច្ចប្រជុំគណៈកម្មាធិការកណ្តាល សហភាពសហព័ន្ធយុវជនកម្ពុជា នៅសាលសន្និសីទសណ្ឋាគារ សុខាភ្នំពេញ នាព្រឹកថ្ងៃទី ១៤ ខែមីនា ឆ្នាំ ២០២៤។ »»» វាជាការឈឺចាប់យ៉ាងខ្លាំងបន្ទាប់ពីទិញដីហើយកក់ប្រាក់អស់$5000បែជាម្ចាស់ដីប្តឹងទៅក្រសួងមហាផ្ទៃចោទពីបទក្លែងឯកសារ »»» បងប្អូនក្រុមវាលទី១នៃមន្ទីររៀបចំដែនដី​ នគរូបនីយកម្ម​ សំណង់​ និងសុរិយោដីខេត្តពោធិ៍សាត់​ ចុះវាស់វែង​ ប្រមូលទិន្នន័យក្បាលដី​ និងវិនិច្ឆ័យដីធ្លី​មានលក្ខណៈជាប្រព័ន្ធជូនបងប្អូនប្រជាពលរដ្ឋ​ នៅភូមិថ្គោលធំ ឃុំអន្សាចំបក់ ស្រុកក្រគរ​ ខេត្តពោធិ៍សាត់​។
0

បណ្តឹងប្រជាពលរដ្ឋប្តឹងលោក ម៉ឹង យូឡេង ករណីរំលោភយកដីត្រូវបានឯកឧត្តម សក់ សេដ្ឋា រដ្ឋលេខាធិការក្រសួងមហាផ្ទៃ ចាត់ឲ្យឯកឧត្តម គង់ សោភ័ណ្ឌ ចុះសិក្សាស្រាវជ្រាវ និងដោះស្រាយ

(កណ្តាល) បណ្តឹងរបស់ប្រជាពលរដ្ឋប្តឹងលោក ម៉ឹង យូឡេង ប្រធានមន្ទីរសាធារណៈការ និងដឹកជញ្ជូន ខេត្តកណ្តាល ដែលក្នុងបណ្តឹងទាំងនោះបានបញ្ជាក់ថាលោក ម៉ឹង យូឡេង បានរំលាភយកដីលំនៅដ្ឋានរបស់គាត់ដែលបានរស់នៅគ្រប់គ្រងលើដីនេះជាង៣០ឆ្នាំមកហើយ តែមិនត្រូវរដ្ឋបាលខេត្តកណ្តាលធ្វើការដោះស្រាយនោះទេ។

ពាក់ព័ន្ធជាមួយបណ្តឹងពលរដ្ឋនេះ នៅថ្ងៃទី២៦ ខែកក្កដា ឆ្នាំ២០២២ ឯកឧត្តម សក់ សេដ្ឋា រដ្ឋលេខាធិការក្រសួងមហាផ្ទៃ ជំរាបមកឯកឧត្តម គង់ សោភ័ណ្ឌ អភិបាលខេត្តកណ្តាល ឲ្យចាត់ចែងការចុះសិក្សាស្រាវជ្រាវពិនិត្យ និងដោះស្រាយបញ្ហាខាងលើដោយផ្អែកលើគោលការណ៍ច្បាប់ និង លិខិតបទដ្ឋានគតិយុទ្ធដែលមានចែងជាធរមាន រួចធ្វើការឆ្លើយតបទៅសាមីសំណើរវិញ។ តែមកដល់ពេលនេះ រដ្ឋបាលខេត្តកណ្តាល មិនទាន់បំពេញការងារទៅតាមស្មារតីរបស់ សជណ លេខ១៨១៨ របស់ក្រសួងមហាផ្ទៃនៅឡើយទេ។

សូមបញ្ជាក់ថា៖ លោក សាំង សារ៉ុម ប្រធានសមាគមន៍អ្នកការសែតកម្ពុជា ដើម្បីអភិវឌ្ឍន៍ បានដាក់ពាក្យបណ្តឹង ប្តឹងលោក ម៉ឹង យូឡេង ប្រធានមន្ទីរសាធារណៈការដែលសំបូរដោយរឿងអាស្រូវដែលអះអាងថាបានរំលោភដីរបស់ពលរដ្ឋដែលមានទំហំ២០មx២០ម ស្ថិតនៅភូមិព្រែកហូរកើត សង្កាត់ព្រែកហូរ ក្រុងតាខ្មៅ ខេត្តកណ្តាល ជាច្រើនឆ្នាំ ជាច្រើនលើកច្រើនសារមកហើយ តាំងតែពីឯកឧត្តម ម៉ៅ ភារុណ ជាអភិបាលខេត្ត រហូតមកដល់ឯកឧត្តម គង់ សោភ័ណ្ឌ នៅតែគ្មានដំណោះស្រាយទើបបានជាលោក សាំង សារ៉ុម បានដាក់ពាក្យសុំកិច្ចអន្តរាគមន៍ មកសម្តេចក្រឡាហោម ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃដើម្បីឲ្យរដ្ឋបាលខេត្តកណ្តាលពន្លឿងក្នុងការដោះស្រាយ។

សូមរំលឹកថានៅថ្ងៃទី២៦ ខែមេសា ឆ្នាំ២០២២ មន្ទីរសាធារណៈការ និងដឹកជញ្ជូនខេត្តកណ្តាល បានចេញលិខិតបំភ្លឺលេខៈ ០៥០៧សក.កណ ដែលមានខ្លឹមសារបានបញ្ជាក់ថាទីតាំងដីដែលលោក សាំង សារ៉ុម ដែលបានអាស្រ័យផលរស់នៅនេះគឺ ជាទីតាំងដែលបម្រុងទុកអភិវឌ្ឍន៍ធ្វើស្ថានីយ៍បូមទឹក។ តែបើមើលទៅលើសំណង់ដែលកំពុងសាងសង់ដូចជាមិនមែនជាស្ថានីយ៍បូមទឹកនោះ ទេគឺដូចផ្ទះវីឡាទៅវិញ បច្ច័យនេះហើយ ដែលធ្វើអោយមហាជនជាច្រើនបានលើកឡើងថាស្ថានីយ៍ បូមទឹកនេះវាខុស គ្នាពីស្ថានីយ៍បូមទឹក នៅទីតាំងផ្សេងដែលបានសាងសង់។

បើតាមការបញ្ជាក់របស់លោក សាំង សារ៉ុម បានឲ្យភ្នាក់ងារយើងដឹងថា មកដល់ពេលនេះលោកនៅមិនទាន់បានទទួលលិខិតអ្វី ពីរដ្ឋបាលខេត្តកណ្តាល ទាល់តែសោះក្រោយពីលោកបានដាក់ពាក្យស្នើសុំអន្តរាគមន៍ពីសម្តេចក្រឡាហោម ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ។

ជុំវិញករណីនេះភ្នាក់ងាររបស់យើង និងរង់ចាំតាមដានបន្តទៀតចំពោះចំណាត់ការផ្សេងៗ និង ការដោះស្រាយរបស់រដ្ឋបាលខេត្តកណ្តាល ហើយភ្នាក់ងាររបស់យើង និងចាំតាមដាន ព្រមទាំងផ្សព្វផ្សាយការឆ្លើយតបរបស់រដ្ឋបាលខេត្តកណ្តាល តាមស្មារតីសជណ របស់ក្រសួងមហាផ្ទៃ៕

Filed in: ព័ត៌មានជាតិ

Leave a Reply

Submit Comment
ទាក់ទងផ្តល់​ព័ត៌មាន តាមទូរស័ព្ទលេខ 081 827 878 ឬ តាម Whatsapp : 081 827 878 | Telegram : 081 827 878 ! សូមអរគុណ !

©២០១៨ រក្សាសិទ្ធ​ដោយ​ Khmer Network News | ទូរស័ព្ទ៖ 081 827 878 | អ៊ីម៉ែល៖ reaksasok72@gmail.com

សហការផ្តល់ព័ត៌មាន៖ 081 827 878 | អ៊ីម៉ែល ៖ reaksasok72@gmail.com